Agie-Info Webtuiste - Kos Kaskenades (resepte)

AGIE TANNIES SE KOS KASKENADES

Potjiekos	Braaivleis en braai dinge	Gebak
Brode	Sop	Dips en Smere
Voorgeregte	Vleisdisse
Snaakse Geregte	Souse en Marinades

Potjiekos uit die boonste rake

(Boontoe)

Die moets en moenies van ´n pot
Hoe om pot te behandel:
Maak goed skoon na gebruik.
Smeer binnekant met vet.
Indien daar roes binne is skuur met growwe sout.

Wenke:
Moet nooit te veel water in pot gooi nie. Gebruik liewers wyn of bier in plek van water indien jy vloeistof moet bygooi. Die potjie moet met jou gesels, want ´n stil pot kan of aanbrand of glad nie kook nie.
Hou altyd die deksel op.
Hou styselrige kosse weg van die boom of kante, want dit brand maklik aan.
´n Platboom pot moet altyd op stene gesit word.
Braai uie eers en haal dan uit. Dit word weer bygegooi net voor opdiening.
Moenie kos in pot kook nie dit moet stadig prut.
Roer net deur voor opdiening nie voor dit nie.
Die beste houtsoorte is: rooikrans, swartwattel en wingerdstompies.
Sny aartappels altyg groot stukke of gebruik klein aartappeltjies.
Pak ´n pot in die volgende volgorde: vleis, groentes, uie en dan stysels.

Vir nuwe potjie:
Voeg groente skille, stingels en blare in ´n pot vol water en kook ´n uur lank . Gooi uit en spoel deeglik skoon. Skuur met hout-as en spoel weer skoon. Maak pot baie warm en giet bottel asyn daarin en kook ´n ruk. Spoel goed skoon.

Beesstertpotjie
2 beessterte opgesny
4 wortels in dik skywe gesny
3 medium gekapte uie
1 blikkie botterboontjies
sout
1 pakkie beesstertpoeier
250ml beesboeljon
4 aartappels in dik skywe gesny
250ml groen-ertjies
250g sampioene
6 murgpampoentjies in skyfies
2 uie in skywe gesny
Verbruin die beesstert in ´n warm pot met olie en gekapte uie. Voeg sout by. Voeg soppoeier en boeljon by. Voeg water by en laat prut vir 2½ uur. Skep vet af. Voeg laag aartappels en wortels by. Dan laag botterboontjies met sous. Voeg laag ertjies rou sampioene, mutgpampoentjies en laag uieringe. Maak pot toe en prut vir ± ½uur. Maak kluitjies en pak bo-op. Sit deksel terug en prut vir 15 minute sonder om deksel te lig. Bedien 10 persone.

Biltongpotjie
Jad wou ´n resep vir ´n Biltong-potjie hê.
½kg biltong
500g pasta skulpies
2 uie - fyngesny
2 -1 rooi en 1 groen soetrissie - gekap
olie
250ml room
500ml vleisektrak
400g gerasperde kaas
sout en peper na smaak
Braai uie en rissies in olie in pot. Voeg vleisektrak en noedels by. Kook tot pasta gaar is en water weggekook het. Voeg room by -onthou potjie moet nog op vuur wees- dan biltong en kaas. Roer deur en kook nog vir ± 5 minute. Met die resep kan lekker gespeel word. Voer enigiets waarvan jy hou by. Toets net die eerstekeer die resep en dan kan jy maar verbeelding byvoeg.

Hoenderpotjie
Hier is ´n heerlike hoender potjie.
Bestandele:
Sonneblom olie ( Olyf olie kan ook gebruik word - baie gesonder)
Twee groot uie (gekap)
Garlic - Hoef nie bang te wees nie ( Garlic is baie gesond )
Pak hoender bors stukkies, hoe meer vleis hoe lekkerder ( Woolies se hoender is puik )

Hoenderpotjie in Roomsous
Die potjie het die heerlikste dik, ryk roomsous met ´n hoender- en spekgeur. Genoeg vir 4 ? 6 mense en ´n No 2 pot word aanbeveel.
6 hoenderdye
braaivleisspeserye na smaak
250 g swoerdlose ontbytspek, in stukkies gekap
4 middelslag uie, gekap
60 ml fyn appelkooskonfyt
100 ml water
15 ml worcestersous
12 heel uitjies, geskil
10 jong heel aartappeltjies, geskil
750 ml gevriesde gemendge groente
300 g sampioene, in skywe gesny
aromat na smaak
1 pakkie beesstertsoppoeier
1 pakkie dik wit uiesoppoeier
500 ml vars room OF 250 ml room en 250ml melk
Sprinkel die braaivleisspeserye oor die hoender. Verhit die pot en braai die spek daarin vir 5 minute. Voeg die uie en appelkooskonfyt by en braai tot sag.
Voeg die hoender, water en Worcestersous by die uiemengsel, sit die deksel op en laat prut vir 15 minute. Voeg die uitjies en aartapels by en laat prut vir nog 10 minute.
Voeg nou die groente en dan die sampioene by. Sprinkel die geuropwekker oor, sit die deksel op en laat prut vir 30 minute.
Meng die soppoeier met die room en voeg dit by die potjie. Laat prut vir 30 minute.

Potjiemarinade
Lekker vir potjie - byvoorbeeld skenkels
1 suurlemoen sap uitgedruk
200 ml olie
2 uie fyn gerasper
2 knoffeltoontjies, gekneus
125ml vars pietersielie, gekap
1 takkie roosmaryn, blaartjies van takkie gestroop
125 koljander, vars en fyngekap-opsioneel
2,5 ml borrie
2,5 ml paprika
2,5ml Oreganum
rissiepeper - opsioneel
Meng alles saam en marineer vleis. Vleis kan daarin gekook word voeg net sout na smaak by.

Seekospotjie
Braai 2 uie saam met n halwe potjie garlic. (my keuse - kan verminder word)
Gooi 1 pak sampioene by en braai.
Gooi ´n pak gemengde seekos by en braai vir sowat 5min saam.
Roer by 250ml vars room en 1 pakkie wit uiesop.
Laat dit vir ´n halfuur prut.
Wenke:
*as jy en jou vriende wil saam kuier om ´n pot, sal ek ´n seekos-potjie afraai.
*indien jy jou skoon familie moet nooi vir ete, is dit ideaal - sorg net dat daar al kole is as hulle opdaag.
*indien jy bietjie variasie wil gebruik, kan jy mossels met die skulp ingooi, of crabsticks is ook goedkoop en baie lekker; stokvis kan ook die potjie bietjie rek.
*vermeerder jou room en uiesop saam met die seekos m.a.w. 2pakke seekos; 2 uiesop en 2 room.
*jou kole moet redelik koel wees.
*dien op saam met rys en Franse brood.

Skaap/Beespotjie
2 Kilogram sagte vleis in blokkies gesny. Die vleis is jou keuse. Wat baie lekker is, is heel skaap skenkels. Moet net nie goedkoop snitte vat nie want dan gaan jy baie teleurgesteld wees.
Groente in blokkies gesny (net wat jy van hou)
10 babaaartappeltjies.
2 blokkies vleisaftreksel
2 teelepels pietersielie-droog
1 teelepel mostertpoeier
2 teelepels Aromat
1 teelepel Oregano
2 eetlepels worcestersous
2 eetlepels tamatiesous
1 knoffeltoontjie geskil
Olie
Meel
250g Sampioene
Maak potjie warm en smeer met olie en knoffeltoontjie. Rol vleis in meel en braai vleis in olie tot bruin gooi vleisekstrak wat opgelos is in 1 liter water by. Kook stadig tot sag. Pak dan jou groente bo-op MAAR moenie roer nie. Eerste die aartapels en wortels dan die groentes wat gouer gaar word. Laaste die sampioene. Kook tot amper gaar. Meng al die ander bestandele in bietjie water en gooi oor. Moenie roer nie. Sit deksel op en kook vir nog 15 minute. Bedien saam met rys of stampmielies en ´n groen slaai. Die sous kan verdik word indien nodig - met mielieblom.

Volstruispotjie
30 ml kookolie
1,5 kg volstruisnekskywe
2 groot knoffelhuisies, gekneus
5 ml droë roosmaryn
250 g swartsampioene, in skyfies gesny
30 ml ingemaakte groenpeperkorrels, gekneus
75 ml brandewyn
50 ml droë sjerrie
375 ml droë rooi wyn of ½ rooi wyn en ½ hoenderaftreksel
30 ml suurlemoensap
15 vars piekeluitjies, geskil
10 klein, heel wortels
8 geskilde klein, heel aartappeltjies of skoongeskropte jong aartappels in die skil
1 x 300 g-pak verroomde spinasie en sampioene, ontdooi
15 ml koekmeelblom
bietjie melk
knippie neutmuskaat
sout na smaak
Verhit die olie in die pot en braai die vleis in sarsies tot bruin. Skep uit en hou eenkant. Braai die knoffel, roosmaryn, sampioene en peperkorrels in dieselfde pot. Skep die vleis terug in die pot.
Verhit die brandewyn, sjerrie, rooi wyn en suurlemoensap en voeg by die vleis.
Sit die deksel op, verminder die hitte deur van die kole onder die pot te verwyder en prut 2 ½ uur of totdat die vleis byna sag is.
Pak die groente, behalwe die spinasie, in lae bo-op die vleis, sit die deksel op en prut nog 45 ? 50 minute.
Meng die ontdooide spinasiemengsel met ´n pasta van koekmeelblom en melk en skep versigtig oor die kos in die pot. Geur met neutmuskaat en sout, sit die deksel op en prut nog 15 minute.

Braai Vleis en Braai Dinge

(Boontoe)

Braai wenke

So maak mens jou braai beter as die buurman s'n:
• Boerewors Ryg boerewors deur 'n sosatiestok met uie tussen in.
• Groente Maak 'n sousie met gelyke hoeveelhede van balsemasyn, suiker en olyfolie en verf dit gereeld oor jou groente terwyl dit braai.
• Kruie Gooi jou gunsteling kruid op die vuur vir 'n aangename reuk.
• Lam Vir ekstra geur gooi jy klam takkies roosmaryn of lourierblare in jou halfuitgebrande vuur waarop jy gaan lam braai.
• Mielies Maak 'n pasta van gemmer, rissie, olyfolie, heuning en sesamesaad en smeer oor mielies.
• Piesang Braai piesang in die skil. Haal af sodra die skil begin swart word en sit voor met room.
• Piesangblare Was 'n piesangblaar en vou 'n vis toe daarin. Stoom gaar op die braai, ± 45 minute. Probeer 'n pasta van gemmer, suurlemoensap en olyfolie op die vis.
• Suurlemoensap Druk vars suurlemoensap oor hoender, groente, vis of lam net voor dit van die kole afkom vir 'n pikante smaak.

Lekker Vleisies vir die kole

Skaapspit
Ons is bietjie laat met die een, want ons kon nie spitmeester Cobus Swart kry om te kom verduidelik hoe nie. Uiteindelik het Groot Leeu en Hanz tot die redding gekom.
Die skaap van jou keuse moes ten minste vir een week gehang het voor hy op die spit kom. Maak voorsiening vir sowat 450g per persoon.
Jou spit moet stadig draai, anders raak die skaap nie reg gaar nie. Maak die skaap stewig en op ´n paar plekke aan die spit vas. Hou in gedagte dat die gaar vleis maklik van die spit kan lostrek.
Jou kole is reg as jy jou hand nie vir langer as 10 sekondes onder die skaap kan hou nie. In die areas onder die skaap se bene moet daar meer kole wees as onder die res.
Moet nie die skaap inspuit met ´n sous nie. Verf jou sous oor dwarsdeur die braaiproses of verf dit oor. ´n 2L plastiekbottel met ´n paar gate in die doppie werk goed vir laasgenoemde. Sorg dat jou sous ´n goeie oliebasis het.
Sodra die skaap bruin is moet jy verkieslik foelie om die ribbe plaas, aangesien dit gouer gaar raak as die res van die skaap. Draai die foelie sommer reg rondom die skaap by sy ribbe.
Die lieslappe sal eerste gaar wees. Sny dit af en bied dit solank aan as ´n voorgereg aangesien mense geneig is om ongeduldig te raak by ´n spit en die wat te diep in die bottel gekyk het soms sommer self wil begin peusel.
Jou skaap sal omtrent 5 ure neem voor dit reg gaar is.

Skaapspit

Neem 2 plat gemarineerde hoenders en 1 Vark ribbetjie so groot soos die skaap se ribbekas.
Maak aan die een kant die 2 hoenders was en aan die ander kant die vark ribbetjie met die ribbetjies na binne....
So droog die lieste en die ribbetjies nie uit nie ..... en walla daar het jy sommer hoender en vark ook om voor te sit.........

Varkribbetjie oor kole
Bestanddele:
2 kg varkkortribbetjies ("spare ribs") in porsies gesaag sout en varsgemaalde swartpeper na smaak
Marinade:
• 2 uie, gekap
• 3 knoffelhuisies, fyngedruk
• 500 ml rooibostee
• 250 ml kookolie
• 250 ml tamatiesous, ontpit
• 250 ml blatjang
• 75 ml Worcestersous
• 125 ml wynasyn of asyn
• 10 ml aangemaakte mosterd
Metode:
• Meng die marinadebestanddele in 'n kastrol.
• Verhit tot kookpunt en prut 'n paar minute lank. Laat afkoel.
• Giet die koue marinade oor die ribbetjies en marineer oornag in die yskas.
• Verwyder die ribbetjie uit die marinade en druk droog met kombuispapier.
• Rooster die ribbetjie 20-25 minute lank oor matige kole.
• Geur met sout en peper.

Bosveld-filet
Marinade:
125ml tamatiesous
60ml Worcestersous
15ml matige blatjang
10ml Franse mosterd
125ml wit wyn
15ml olyfolie
1 knoffelhuisie (gekneus)
1 eetlepel suiker
Ander bestanddele:
Dik filetskywe
speserye na smaak
125ml room
Metode:
• Meng al die marinade-bestanddele en marineer vleis vir twee ure.
• Rooster oor warm kole vir 10 tot 18 minute afhangende van hoe gaar dit moet wees.
• Strooi speserye na smaak oor.
• Voeg room by marinadesous en verhit effens oor kole. Sit saam met die vleis voor.
Duiwelsrib
Bestanddele:
Varkribbetjies
1 eetlepel marmite
5 eetlepels suiker
1 eetlepel mielieblom
2 eetlepels asyn
3 eetlepels fyn gekapte gemmerkonfyt
of 2 teelepels gemaalde gemmer
1 huisie gekapte knoffel
Metode:
• Kook ribbetjies stadig in 'n bietjie water totdat die bene uitgetrek kan word.
• Laat die vleis afkoel sodat jy dit kan hanteer en sny dan in vierkante.
• Meng res van die bestanddele en doop vleisvierkante daarin.
• Rangskik in oondpan en braai bokante bruin onder rooster.
• Sodra die bokante mooi bruin is, draai om en bestryk met nog sous en braai weer bruin.
• Dit kan warm of koud bedien word.
• Die oorblywende sous word ook bedien, sodat die stukkies vleis aan 'n stokkie opgelig kan word en weer in die sous gedruk kan word indien verlang.
Lamskotelette
Bestanddele:
12 lamskotelette
75g vars gekapte kruisement
1 teelepel roosmaryn
125g bruin suiker
1 liter asyn
geurmiddels na smaak
Metode:
• Sny meeste vet van die lamskotelette af.
• Meng res van die bestanddele.
• Marineer lamskotelette vir 3 ure in hierdie mengsel.
• Geur lamskotelette en braai op kole of in skottelbraaier.
• Kook en verminder marinade met die helfte. Gooi deur sif en bedien apart.

Brode

(Boontoe)

Bierbrood
1 bottel van jou gusteling bier
1 pakkie bruismeel
½ koppie gerasperde kaas
1 teelepel sout
Meng alles saam en sit dit op ´n gesmeerde plaat. Bak vir 50 minute by 180ºC.

Broodjies
Rooster brood aan die een kant, smeer botter op en sit en van die volgende vulsels op. Strooi sout en peper oor, rasper kaas oor en rooster tot die kaas smelt.
1) Meng fyngemaakte hoender met mayonnaise, fyngekapte uie en skyfies sampioene.
2) Repies ham, pynappelstukkies en ´n skeppie blatjang.
3) Gesnyde tamatie, salami en fyngekerfde blaarslaai.
4) Gesnyde hardgekookte eier, gebraaide spek en pietersilie.
5) Tuna, gekapte ui, mayonnaise, pietersilie en Tobasco.

Kaasbroodjie
Hierdie is n baie lekker broodresep en mense se altyd ek moet dit maak as daar n braai is..Baie lekker as dit nog lekker warm is
3 en n kwart koppie bruismeel.
1 pakkie wit uiesop poeier.
1 klein karringmelk.
1 koppie chedder kaas.
Meng bruismeel uiesop poeier karringmelk en helfte van kaas baie goed en gooi in n gesmeerde broodpannetjie. Gooi die ander kaas bo-oor die broodjie..Daar kan nog meer kaas op die broodjie gerasper word soos jy dit verkies..Bak vir 1 uur in oond van 180 grade.....

Lepelbrood
450ml melk
300ml mieliemeel
1 teelepel sout
50ml margarien gesmelt
4 eiers geskei.
Verhit melk tot kookpunt. verwyder van hitte en roer meel by, tot glad. Plaas terug op hitte en laat mengsel kook tot dik. roer nou en dan. Voeg sout en margarien stadig by. en verwyder van hitte . Laat goed afkoel. Klits eiergele en voeg by. Klits eier witte styf en vou by mengsel in. Bak in bakskottel in ooond vir 35 minute.

Maklike Mieliebrood
500g self-raising koekmeel
1 blikkie room mielies
1 blikkie ingedampte melk
200g gerasperde kaas
sout en peper
Meng alles saam. Gooi in gesmeerde brood pannetjie en bak 45 min (of tot bruin) by 180gradeC.

Mieliebrood
70 g (150 ml) mieliemeel
265 g (550 ml) koekmeel
12 g (25 ml bakpoeier)
15 ml suiker
2 ml sout
450 ml melk
80 ml olie
3 eiers
1 x 410 g-blik mieliepitte, gedreineer
Voorverhit die oond tot 180°C. Smeer en voer ’n broodpan uit. Sif die droë bestanddele saam. Klits die melk, eiers en olie saam. Voeg die melkmengsel en mieliepitte by en meng liggies. Giet die mieliemengsel in die broodpan en bak vir ongeveer 1 uur.

Nan Bagnat
Sny ´n Portugese brood horisontaal in twee en sprinkel olyfolie op elke kant. Pak op een stuk ontpitte olywe, 12 ingelegde kapers, twee agurkies, dik skywe tamatie, vier slaaiblare en ´n paar skyfies sampioene. Sprinkel olyfolie oor.
Sit die ander stuk brood oor en draai toe in twee lae foelie. Sit ´n swaar gewig bo-op en laat staan vir minstens 1 uur.

Potbrood
Lekker potbrood saam met braaivleis.
klaar brooddeeg
250 ml room
1 pakkie sop (sampioen is baie lekker)
bietjie knoffel
swartpeper
enige ander vars kruie
grasuitjie gekerf
pietersielie
basielkruid
Meng alles saam en sit in gesmeerde ysterspot. Kan bak in oond, maar die lekkerste as dit op die vuur gedoen word. Sit kole om die pot en bo-op deksel en los vir ± 40 min/tot mooi bruin bo-op is. Bedien warm saam braaivleis, potjie of sop.

Spek en Mielie Kaasbroodjie
1 Klein blikkie suikermielies (roomsoort)
1 Klein tot medium ui (fyn gekap)
1 Pakkie spek (sonder swoerd)
1 Koppie cheddar kaas
6 Snye brood liggies gesmeer met botter. (dag-oud brood werk goed)
Aromat
Braai die ui in botter of olie tot sag . Gebruik min olie of botter. Snipper die spek en voeg by die ui wat braai, hier kom die verdere olie van die spek wat sal uitbraai. Braai tot spek na jou smaak gaar is. Voeg nou die mielies en helfte van die kaas by en roer deur tot die kaas gesmelt het en die mielies warm is.Laat effens afkoel en skep eweredig oor die ses snye brood wat op n bakplaat gesit is. Strooi Aromat oor en versprei die res van die kaas oor die brood. Plaas onder die roosterelement van die oond en rooster tot die kaas gesmelt het.
Sit voor met goeie koffie en jy het n redelike ontbyt of ligte Sondag-aand happie.

Potbrood

Bestanddele:
500g bruismeel
1 pakkie beesstertsopoeier
1ml sout
1ml rissiepeper
125ml gerasperde Cheddarkaas
500ml karringmelk
Metode:
• Meng al die bestanddele en skep in ’n gesmeerde platboompotjie of in ’n gesmeerde broodpannetjie.
• Bak sowat 1 uur tussen die kole of 45 minute in ’n oond by 180°C.
Variasies:
• Vervang die beesstertsoppoeier met bruin uiesoppoeier.
• Vervang die rissiepeper, kaas en karringmelk met 1 blikkie bier.

Kaas-en-mieliehappie
Bestanddele
300ml melk
30ml botter
3 eiers, geskei
1 blik (410g) heelpitmielies
100g Cheddar-kaas (gerasper)
5ml Franse mosterd
250ml vars broodkrummels
sout en varsgemaalde swartpeper na smaak
Metode
• Verhit melk en botter in 'n ysterpotjie.
• Klits eiergele en roer by melk saam met res van bestanddele, behalwe eierwitte.
• Klits eierwitte en vou liggies in.
• Bedek en laat 30 minute prut oor koel kole tot gestol.
• Genoeg vir 6 mense.

Marinades

Biermarinade
Geskik vir die spit of rooster.
175 ml bier
100 ml olie
1 ui, in ringe gesny
1 takkie pietersielie
1 lourierblaar
6 peperkorrels
1 gekneusde knoffelhuisie
30 ml suurlemoensap
30 ml suurlemoenskil, gerasper
Meng alles saam.

Braaisous
1 ui, in ringe gesny
1 knoffelhuisie, gekneus
10 ml olie
200ml tamatiesous
150ml water
75ml bruinsuiker
30ml Worcester-sous
5ml sout
10ml mosterd
Soteer uie en knoffel in olie tot deurskynend. Voeg die res van die bestandele by en prut vir 5 minute. Bedien op hamburgers.

Braaivleismarinade
Geskik vir die spit of rooster.
200 ml vleisaftreksel
100 ml olie
1 ui, in ringe gesny
1 takkie pietersielie
1 lourierblaar
6 peperkorrels
1 gekneusde knoffelhuisie
Meng alles saam.

Mosterdmarinade
ml mosterdpoeier
2 ml fyn gemmer
gemaalde swartpeper na smaak
1 knoffeltoontjie, gekneus
75 ml sojasous
50 ml suurlemoensap
50 ml olyfolie
Meng alles saam. Kan ook as bedruipsous gebruik word.

Perske bedruipmengsel
125 ml perske pureé
5 ml suurlemoensap
30 ml heuning
5 ml gekapte gemmerwortel
Meng alles saam en bedruip vleis terwyl jy braai.

Marinade
50 ml sojasous
50 ml rooiwyn
15 ml heuning
12,5 ml sagte bruinsuiker
1 knoffeltjoontjie, gekneus
5 ml fyn gemmer
3 ml kaneel
3 stingeluie, fyn gekap
Meng alles saam en gooi oor vleis. Laat oornag staan.

Pynappelmarinade
Geskik vir die spit of rooster.
200 ml pynappelsap
100 ml olie
1 ui, in ringe gesny
1 takkie pietersielie
1 lourierblaar
6 peperkorrels
1 gekneusde knoffelhuisie
15 ml gemmerwortel, gekap
5 ml gemmer, fyn
Meng alles saam.
Romerige marinade
Geskik vir die spit of rooster.
200 ml suurroom
sap van 'n halwe suurlemoen
1 ui, in ringe gesny
1 takkie pietersielie
1 lourierblaar
6 peperkorrels
1 gekneusde knoffelhuisie
5 ml paprika
Meng alles saam.
Roosmarynmarinade
10 ml droë witwyn
50 ml suurlemoensap
50 ml olyfolie
2 knoffeltoontjies, gekneus
1 takkie vars roosmaryn of 5 ml droog
5 ml sout
varsgemaalde swartpeper
5 ml gerasperde suurlemoenskil
Opsioneel: vars tiemie, oreganum en pietersielie
Meng alles saam.

Tamatiemarinade
Geskik vir die spit of rooster.
150 ml tamatiesap
100 ml olie
1 ui, in ringe gesny
1 takkie pietersielie
1 lourierblaar
6 peperkorrels
1 gekneusde knoffelhuisie
15 ml Worcestersous
15 ml vrugteblatjang
25 ml bruinasyn
15 ml bruinsuiker
2 heel naeltjies
Meng alles saam.
Toebroodjies

Wynmarinade
Geskik vir die spit of rooster.
200 ml rooiwyn
100 ml olie
1 ui, in ringe gesny
1 takkie pietersielie
1 lourierblaar
6 peperkorrels
1 gekneusde knoffelhuisie
Meng alles saam.

Soorte Pap

Mielie Pap
4 koppies mieliemeel
1 pakkie chakalaka papmengsel
1 bossie spinasie, gewas en versnipper
1 ui in blokkies gesny
2 wortels in blokkies gesny
1 rooi soerissie in blokkies gesny
Opsioneel :- rissie, sampioene of waarvan jy ookal hou.
Vul kastrol met 2 liter water en voeg by papmengsel en 30 ml botter. Bring tot by kookpunt. Voeg meel by 1 liter koue water. Voeg mieliemeel-mengsel by kookwater-papmengsel. Sit plaat op lae hitte. Terwyl dit kook die res van die botter in pan en verbruin uie. Voeg wortels, soetrissie en spinasie by en braai tot spinasie verwelk. Voeg by pap en op LAE hitte en kook dit vir nog 15 minute of tot die groente sag is. Roer af en toe.

Mieliepap
1 koppie mieliemeel
1 koppies kookwater
3 desertlepels margarien
4 desertlepels geelsuiker
½ koppie koue water
Meng mieliemeel met koue water. Voeg kookwater by. Kook oop by 70% krag in mikrogolfoond vir 5 minute. Roer elke minuut. Gooi dan geelsuiker en klontjies margarien oor. Moet nie roer nie. Bedek bak en plaas in mikrogolfoond vir 10 minute op 50% krag.

Putu Pap
Bestanddele:
2 koppies water
knippie sout
3-4 koppies mieliemeel
Metode:
• Bring water en sout tot kookpunt en voeg mieliemeel by.
• Verlaag hitte tot normaal.
• Sit deksel op.
• Roer na 3-4 minute en sit weer deksel op.
• Laat vir sowat 10 minute kook totdat pap goed gaar is.
• Bedien saam met braaivleis of geniet dit vir ontbyt saam met vars melk en suiker.

By-disse
Sampioenverrassing
Bestanddele:
sampioene
kaas
blaardeeg
Metode:
• Verwyder stingels van sampioene en sit ’n stukkie kaas in elkeen.
• Rol die sampioene in blaardeeg toe en bak in diep olie tot gaar.
• Besprinkel met gegeurde sout.

Gebak

(Boontoe)

Aartappelsuurdeeg
2 medium aartappels geskil en gerasper
25ml suiker
500ml kookwater
10ml sout
3ml aktiewe of persgis
125ml lou water
fles met deksel
Gooi kookwater oor aartappels en laat afkoel. Week gis in 125ml lou water. Meng suiker , sout, en gewwkte gis goed met die lou aartappelmengsel, gooi in fles en skroef toe. Nie styf nie. Maak warm toe en laat 6 tot 8 uur lank op warm plek staan. Die suurdeeg sal skuimerig word en die fles vul, of selfs uitloop as gis baie aktief is. As gis te lank gehou word sal gis verswak. Hou 250ml gis in fles vir plantjie. Syg die res deur draadsif. Knie volgens insuur of direkte deeg metode. Opmerking:- Die plantjie sal 8 tot 10 dae lank op ´n koel plek goed hou. As dit weer aangemaak word, word daar nie weer gis bygevoeg nie, net die res van die bestandele, as plantjie metertyd verswak met ´n klein hoeveelheid gis bygevoeg word, of ander kan ´n nuwe plantjie gemaak word.

Skons
3 koppies meel
3 teelepels bakpoeier
1 eier
1 koppie melk
knippie sout
3 eetlepels botter
Vryf botter in die meel in. Meng die eier, koppie melk en klein bietjie olie. Sny die melkmengsel in. Meng verder met die hand tot styf. Rol uit met die hand. Gebruik 5cm koekdrukkers vir vorm en verf bietjie eiergeel bo-op voor dit in die oond bak vir 10 minute op 200ºC.

Botterbroodjies
Sif:
2 koppies bruismeel
1 teelepel bakpoeier
½ teelepel sout
Klits:
´n derde koppie kookolie
1 eier
´n twee-derde koppie melk
1 eetlepel suiker
Voeg meelmengsel by eiermengsel en meng liggies met mes. Strooi Maizena op tafel en druk bol deeg liggies plat met die hand. Druk met ´n drukkertjie en sit die botterbroodjies styf teen mekaar op ´n gesmeerde plaat wat uitgeskud is met meel. Bak dan by 220°C vir 15 minute.
Groente-botterbroodjies
Hantie Welken wag al lank vir hierdie resep.
4 koppies gemengde groente
1 ui gekap en gesoteer
3 eiers geklits
1 koppie melk
2 koppies meelblom
2 teelepels bakpoeier
Meng groente en ui. Voeg eiers en melk by en dan droë bestandele. Oppsioneel:- tabascosous- knoffel-paprika- of net wat jy wil hê!!! Bak lepels vol in verhitte olie.

Piesangbrood
4 ryp piesangs
½ k margarien
½ t koeksoda
½ k melk
1 t vanilla
2 k meel
2 eiers
1 k suiker
1 ¼ t bakpoeier
Meng al die bestanddele, behalwe melk, koeksoda en piesangs. Maak koeksoda aan met melk en voeg by. Voeg piesangs by. Bak 1 uur op 350 °F (180 °C)

Rosyntjie- en neutebroodjie
1½ koppie meelblom
2 teelepels bakpoeier
½ teelepel koesoda
1 teelepel sout
1½ koppie volkoringmeel
1 koppie rosyntjies
1 eier, geklits
¾ koppie bruinsuiker
1½ koppie karringmelk of jogurt
2 eetlepels margarien, gesmelt
1 koppie gekapte pekanneute
Sif eers die droë bestandele behalwe volkoringmeel.
Voeg dan volkoringmeel, rosyntjies en gekapte neuite by. Meng baie goed. Meng eier, suiker, melk en gesmelte margarien. Voeg droë bestandele en meng net genoeg om droë bestandele klam te maak. Gooi in gesmeerde pan en bak ± 1 uur teen 180°C.

Vetkoek
4 koppies meel
1 teelepel bakpoeier
1 derde koppie botter
sout
4 eetlepels suiker
´n knippie neutmuskaat
2 eiers
dikmelk
Meng die droë bestandele saam (behalwe die bakpoeier) en vryf die botter in met jou vingers. Klits die eiers en bakpoeier saam en voeg by die meelmengsel. Voeg genoeg dikmelk by om ´n deeg te maak en meng goed. Knie, rol uit en sny in stukke wat jy diepbraai in olie.

Sjokolademousse
Bestanddele:
50ml vlapoeier
50ml kakao
175ml suiker
500ml melk
15ml gelatien
30ml koue water
1 blik koue ingedampte melk
Metode:
• Sif vlapoeier, kakao en suiker saam.
• Voeg melk by en roer tot opgelos. Verhit tot kookpunt. Roer gereeld totdat mengsel verdik en verwyder van hitte.
• Strooi gelatien oor koue water en roer by warm kakaomengsel. Laat afkoel.
• Klop ingedampte melk tot dubbel in volume en vou die sjokolademengsel daarby in.
• Verkoel in yskas.

Sjokoladekoek
Bestanddele:
6 eiers (skei die geel en wit)
500ml koekmeel
500ml suiker
2ml sout
250ml olie
125ml kakao
250ml kookwater
4 teelepels bakpoeier
Metode:
• Klits kakao, suiker en water totdat die suiker opgelos het.
• Voeg meel, eiergele en olie by.
• Klits eierwitte en voeg by.
• Voeg bakpoeier by.
• Bak in gesmeerde pan by 160ºC vir ongeveer 25-30 minute.
• Versier koek met gekookte kondensmelk terwyl die koek nog warm is.

Klapper-karringmelkbeskuit
Bestanddele:
2kg bruismeel
750ml klapper
750ml suiker
3 eiers
500g botter of margarien
1 liter karringmelk
2 teelepels sout
Metode:
• Meng meel, klapper, suiker en sout saam en vryf botter met vingerpunte in.
• Klits eiers en meng met karringmelk. Voeg by meelmengsel en meng goed.
• Skep in panne en bak sowat 1 uur in voorverhitte oond by 180ºC.
• Laat afkoel, breek in stukke en droog uit teen 100ºC (3-4 uur).
Kaaspoffertjies
Bestanddele:
blaardeeg
1 eierwit
50g gerasperde Parmesankaas
knippie sout
knippie rissiepeper
Metode:
• Rol blaardeeg uit (3mm) en sny in klein sirkels.
• Smeer styfgeklopte eierwit liggies op en sprinkel kaas en speserye oor tweederdes van die deeg.
• Sit twee gesprinkelde deegstukkies op mekaar en dan ’n stukkie skoon deeg sodat elke poffertjie uit drie lae deeg bestaan.
• Bak vir 20-25 minute by 230°C tot ligbruin en goed gaar. Bedien warm.

Suikermieliepoffertjies
Bestanddele:
1 eier
1 blikkie suikermielies
2 selderystingels
1 soet groenrissie
60g rou garnale
1 vars groen brandrissie
6 sprietuie
60g meelblom
10g bakpoeier
geurmiddels na smaak
kookolie
Metode:
• Maal die uie, groenrissie en brandrissie tot 'n pasta.
• Maak garnale skoon en kap fyn.
• Sny seldery fyn en voeg suikermielies by.
• Sit al bogenoemde bestanddele in 'n mengbak.. Breek die eier in die mengsel en roer.
• Voeg meel, bakpoeier en geurmiddels by. Meng goed om 'n gladde beslag te vorm.
• Verhit olie totdat dit begin rook en stel hitte laer.
• Skep opgehoopte lepels vol beslag in die olie. Diepbraai tot goudbruin; draai om wanneer nodig.
• Dreineer goed. Bedien warm met brandrissiesous.
Mielie-konkoksie
Bestanddele:
1 blikkie suikermielies
1 blikkie pitmielies
½ koppie suiker
1 groot eetlepel maizena
1 teelepel bakpoeier
3-4 eiers (geklits)
Metode:
• Meng al die bestanddele en bak vir 1 uur by 180ºC.
• Bedien saam met ontbyt of saam met braaivleis.

Eierverrassing
• Bestanddele:
3 snye wit brood
8 eiers
500ml melk
1ml mosterdpoeier
125g ontbytspek, gesny in klein stukkies
100g cheddar, fyn gerasper
2ml sout
vars gemaalde swart peper
50g gerasperde kaas en paprika vir versiering
Metode:
• Breek brood in stukkies en week in melk. Sit mengsel vir 4-5 minute in mikrogolfoond by HOOG of laat dit vir 3 minute op die stoof prut.
• Druk brood fyn met 'n vurk en voeg ontbytspek by.
• Klits eiers goed en voeg mosterd, sout en peper by.
• Gooi eiers by melkmengsel en voeg dan 100g kaas by.
• Skep mengsel in oondbak en versier met kaas en paprika.
• Bak vir 30-35 minute in voorverhitte oond by 180ºC.
• Bedien warm. Genoeg vir 8-10 mense
Brode

Franse broodpizza
410g blik boontjies in tamatiesous
1 Franse brood
1 ui, gekap
1 tamatie, geskil en fyngesny
25ml groen soetrissie, fyngesny
5ml mosterd
80g songedroogde tamaties
80g olywe, ontpit
80g peppadews
500ml Cheddar, gerasper
pietersielie
Verhit die oond tot 180ºC. Sny die brood in die lengte deur en verwyder die krummels. Meng die krummels met die res van die bestandele, maar net helfte van die kaas. Skep die mengsel in die twee helftes. Sprinkel die res van die kaas oor en bak op ´n gesmeerde bakplaat vir 15 minute. Garneer met pietersielie en olywe.

Gesondheidsbrood
Hierdie wonderlike broodjie word in ´n mikrogolfoond gemaak en bak perfek elke keer.
250ml semels
500ml volkoringmeel
250ml gerolde koring
125ml sonneblomsaad
50ml pitlose rosyntjies
5ml bakpoeier
5ml sout
500ml karringmelk
5ml koeksoda
25ml sagte bruinsuiker
25ml olyfolie
Smeer ´ 1,5L mikrogolf-broodpan van 25x10x7,5cm uit met botter. Voer die boom met ´n papierhanddoek uit. Strooi semels om die kante en bedek die bodem daarmee. Gooi die res van die semels in ´n mengbak. Meng die meel, koring, saad, rosyntjies, bakpoeier en sout met die semels in die mengbak. Meng die karringmelk en koeksoda saam in ´n aparte bak. Roer nou die suiker en olie by die melkmengsel. Voeg die melk-mengsel by die semelmengsel en meng goed. Skep die deeg in die pan en maak die bokant effens rond. Strooi bietjie gerolde koring oor. Plaas die pan op ´n onderstebo piering in die mikrogolfoond en mikrogolf vir 17 minute by 70% krag. (850 watt oond)

Pizzadeeg
4k koekmeelblom
1 pakkie kitsgis
10ml sout
30ml suiker
lou warm water (omtrent 500ml)
Meng al die droeë bestandele saam. Voeg klein hoeveelhede water geleidelik by en meng gedurig tot ´n sagte deeg vorm.
Gebruik dan die hande en knie die deeg to glad en elasties - hoe langer jy knie, hoe lekkerder die deeg. Laat staan vir 30min en rol dan pizza -grootte stukke uit. Jy kan dit nogal regtig DUN maak, dis hoekom ek hiervan hou.
Die deeg kan ook oornag in die yskas gehou word en dan vetkoeke van gemaak word.

Rosyntjie- en neutebroodjie
1½ koppie meelblom
2 teelepels bakpoeier
½ teelepel koesoda
1 teelepel sout
1½ koppie volkoringmeel
1 koppie rosyntjies
1 eier, geklits
¾ koppie bruinsuiker
1½ koppie karringmelk of jogurt
2 eetlepels margarien, gesmelt
1 koppie gekapte pekanneute
Sif eers die droë bestandele behalwe volkoringmeel.
Voeg dan volkoringmeel, rosyntjies en gekapte neuite by. Meng baie goed. Meng eier, suiker, melk en gesmelte margarien. Voeg droë bestandele en meng net genoeg om droë bestandele klam te maak. Gooi in gesmeerde pan en bak ± 1 uur teen 180°C.

Spek en Mielie Kaasbroodjie
1 Klein blikkie suikermielies (roomsoort)
1 Klein tot medium ui (fyn gekap)
1 Pakkie spek (sonder swoerd)
1 Koppie cheddar kaas
6 Snye brood liggies gesmeer met botter. (dag-oud brood werk goed)
Aromat
Braai die ui in botter of olie tot sag . Gebruik min olie of botter. Snipper die spek en voeg by die ui wat braai, hier kom die verdere olie van die spek wat sal uitbraai. Braai tot spek na jou smaak gaar is. Voeg nou die mielies en helfte van die kaas by en roer deur tot die kaas gesmelt het en die mielies warm is.Laat effens afkoel en skep eweredig oor die ses snye brood wat op n bakplaat gesit is. Strooi Aromat oor en versprei die res van die kaas oor die brood. Plaas onder die roosterelement van die oond en rooster tot die kaas gesmelt het.
Sit voor met goeie koffie en jy het n redelike ontbyt of ligte Sondag-aand happie.

Walliese Kaasbroodjies
45 ml botter
45ml koekmeelblom
10ml mosterdpoeier
knippie rooipeper
90ml bier
250ml melk
500ml gerasperde kaas
sout
6 snye roosterbrood
Mikrogolf die botter tot gesmelt. Roer die meelblom, mosterd em peper by en mikrogolf weer vir 1 minuut. Klits die bier en melk liggies by en mikrogolf vir 5 minute. Klits die mengsel 2 keer tussendeur om dit glad te hou. Roer die kaas by totdat dit gesmelt het. Skep die mengsel op die roosterbrood en verbruin dit onder die roosterelement van die oond.

Potbrood
Bestanddele:
500g bruismeel
1 pakkie beesstertsopoeier
1ml sout
1ml rissiepeper
125ml gerasperde Cheddarkaas
500ml karringmelk
Metode:
• Meng al die bestanddele en skep in ’n gesmeerde platboompotjie of in ’n gesmeerde broodpannetjie.
• Bak sowat 1 uur tussen die kole of 45 minute in ’n oond by 180°C.
Variasies:
• Vervang die beesstertsoppoeier met bruin uiesoppoeier.
• Vervang die rissiepeper, kaas en karringmelk met 1 blikkie bier.

Sop

(Boontoe)

Bruin uie sop

1 Blikkie room
Bietjie rooi wyn - droog
Sweet corn mielies - Nie blikkies nie, die heel vars klein mielies)
Klein wortels - (Nie groot wortels nie, ook die wat jy klein aankoop)
Jou keuse van groente verder
Aanwysings:
Warm die potjie op, en voeg so bietjie olie by net om die onderkant en sykante van die potjie te "smeer" As die olie lekker warm is, voeg die uie en die knoffel by en laat dit bietjie braai - nie brand nie Sondra die uie en knoffel op proe staduim kom, voeg die hoender stukkies by, en braai die amper gaar. Maak seker dat die hoeder lekker "gebraai" is sodat jy meer smaak kan gee in jou potjie. As die hoeder op amper gaar staduim is , voeg bietjie rooi wyn by , braai so bietjie en HAAL UIT. Die rooi wyn sal nie net ´n lekker smaak gee nie, maar baie van die cholestrol wegbrand.
Nadat die hoender en die uie en knoffel uitgehaal is, voeg so 1 tot 2 liter water in die pot. Roer die water tot al die "vas gebrande" dele in die water ingeroer is. Voeg nou al jou groentes by die water mengsel, en geniet so glasie wyn of twee van jou eie. Kyk so nou en dan of die groentes al sag gekook is.MOET NIE dat die groente heeltemal sag kook nie, want ons maak potjie, nie stew nie.
Sodra jy ´n mes deer die wortel kan druk, is die groente mengsel gereed vir die res van die potjie-kos. Voeg nou weer die hoender en die uie-knoffel mengsel by die potjie. Laat die potjie nou bietjie kuier vir so 20 min of wat. Sodra die groente en die hoender mekaar ordentlik ontmoet het, kan jy nou so bietjie bruin uie sop byvoeg. As sien sien daar is bietjie min water in , voeg so bietjie by, want die bruin uie sop sal so bietjie dikkerigheid veroorsaak. Laat staan en kook die potjie nou weer vir so 10-20 minute. As die potjie op sy einde is, voeg die hele blikkie room by, en laat prut vir so 10 min.
Bedien saam met ´n ligte meng slaai on ´n glasie rooi wyn.

Dips / smere

(Boontoe)

Avo & Maas
Maak avokadopeer, bietjie suurlemoensap en maaskaas saam fyn.

Kaas, Appel & Sultanas
Gerasperde kaas, gerasperde appel en sultanas op brood.

Kaas & Blatjang
Gerasperde kaas en blatjang.

Kerrie-eier
Druk ´n hardgekookte eier fyn met mayonnaise, jogurt en ´n knippie kerriepoeier.

Linda-broodjie
Fyn opgesnyde groen soetrissie en ui saam met kaas op brood waarop botter en blatjang gesmeer is.

Piesang & Dadel
Maak ´n piesang fyn en smeer dit saam met dadelsmeer op brood.

Piesang & Grondboontjiebotter
Meng piesang en grondboontjiebotter.

Roomkaas & Appelkoos
Smeer roomkaas oor brood en sprinkel gedroogde appelkoosstukkies oor.

Roomkaas, geroosterde sesame & kropslaai
Smeer roomkaas op broodjie, besprinkel met sesame-saad en bedek met kropslaai.

Voorgeregte

(Boontoe)

Rouleaux
Rouleaux is maklik om te maak en is 'n heerlike voorgereg.
Gee jou verbeelding vrye teuels wanneer jy 'n vulsel maak.
Bestanddele:
100g botter of margarien
100ml meelblom
500ml melk
5 eiers (geskei)
125ml Cheddarkaas (gerasper)
5ml wynsteensuur
sout en peper na smaak
Metode:
• Voer 'n 26x39cm Switserse rol-blik uit met gesmeerde waspapier of bakpapier.
• Smelt botter en roer meelblom by om 'n gladde pasta te maak. Voeg melk by en bly roer totdat sous verdik.
• Haal van plaat af en voeg sout en peper by. Roer eiergele en kaas by. Gooi mengsel in 'n groter bak.
• Klits eierwitte totdat dit punte begin maak. Voeg wynsteensuur by en klits nog 5 sekondes.
• Vou eierwit in eiergeel-mengsel. Gooi mengsel in blik en draai skuns sodat mengsel egalig versprei.
• Bak vir sowat 15 minute in voorverhitte oond by 200ºC totdat dit stol en amper ligbruin is. Sit rouleaux op 'n klam doek. Verwyder bakpapier dadelik.
• Smeer 'n geurige vulsels op die rouleaux en rol op soos 'n Switserse rol. Sny in skyfies en bedien warm as 'n voorgereg.

Vulsels:
• Meng 400g hoenderlewerpatee, 4 sprietuie (gekap) en 25ml room.
• Meng 195g gerookte mossels, 125ml gerasperde kaas en 25ml gekapte pietersielie.
• Braai 1 repie spekvleis (gekap), voeg 310g roommielies en 5ml meelblom by. Roer totdat mengsel kook en begin verdik. Roer 25ml suurroom en 12,5ml gekapte grasuie by.
• Meng 440g rooi salm (dreineer), 4 sprietuie (gekap), 125ml mayonnaise en 12,5ml gekapte grasuie.

Sampioenverrassing
Bestanddele:
sampioene
kaas
blaardeeg
Metode:
• Verwyder stingels van sampioene en sit ’n stukkie kaas in elkeen.
• Rol die sampioene in blaardeeg toe en bak in diep olie tot gaar.
• Besprinkel met gegeurde sout.

Vleis Disse

(Boontoe)

Bees vleis
Kasserol
Bestandele:
750 g diklies of binneboudvleis, in blokkies gesny
75ml koekmeel
40 ml olie
2 huisies knoffel, gekneus (opsioneel, of 2 t knoffelsout)
300 g heel kleinuitjies
5 preie, opgesny
15 ml droë origanum
knypie roosmaryn
sout na smaak
250 g swoerdlose ontbytspek, opgesny
75 ml tamatiepuree
15 ml bruinsuiker
300 ml droë rooi wyn
1 blik roomsampioene
125 ml suurroom
Metode
• Gooi meel en sout in plastieksak en gooi blokkies vleis daarin. Skud en haal blokkies uit.
• Verhit olie in dikboom kastrol en verbruin vleisblokkies daarin.
• Voeg knoffel, uie, preie en kruie by en soteer 'n paar minute.
• Voeg puree, suiker en wyn by en prut saggies sonder 'n deksel tot sous met die helfte verminder het.
• Gooi mengsel in 'n kasserol en voeg roomsampioene by.
• Sit deksel op en bak in voorverhitte oond (160°C) vir ongeveer 40-50 minute totdat vleis sag is.
• Wanneer gereed vir opdien, roer suurroom in, garneer en bedien met rys, soet ertjies en 'n slaai.
Bosveld-filet
Marinade:
125ml tamatiesous
60ml Worcestersous
15ml matige blatjang
10ml Franse mosterd
125ml wit wyn
15ml olyfolie
1 knoffelhuisie (gekneus)
1 eetlepel suiker
Ander bestanddele:
Dik filetskywe
speserye na smaak
125ml room
Metode:
• Meng al die marinade-bestanddele en marineer vleis vir twee ure.
• Rooster oor warm kole vir 10 tot 18 minute afhangende van hoe gaar dit moet wees.
• Strooi speserye na smaak oor.
• Voeg room by marinadesous en verhit effens oor kole. Sit saam met die vleis voor.

Vingerleklekker dikrib
Bestanddele:
1½kg dikrib
1 uit (gekap)
125ml asyn
125ml stroop
10ml koffiepoeier
Bisto
sout en peper na smaak
Metode:
• Braai dikrib tot bruin en kook dan tot sag.
• Meng asyn, stroop, koffiepoeier, sout en peper. Meng met vleis.
• Braai uie en voeg vleis by.
• Verdik sous met Bisto.
• Bedien met rys en slaai
Soetsuur lewer
Bestanddele:
30ml kookolie
500g bees-le-wer, in 5mm-re-pe ge-sny
125ml warm vleis-af-trek-sel
15ml blat-jang
50ml pit-lo-se ro-sy-ne
15ml wynasyn
5ml sout
2ml paprika
Metode:
• Verhit die kook-olie en braai die lewer 3 minute lank oor hoë hitte.
• Voeg die res van die be-standdele by, plaas die deksel op, stel die plaat af en laat prut 12-15 minute of tot-dat die lewer sag is.

Gestoofde beesstert
Gestoofde beesstert is ’n tradisionele gereg in die Bosveld.
Bestanddele:
1 beesstert
4 eetlepels meelblom
2 teelepels sout
knippie peper
50g vet of olie
1 gesnyde ui
1 gesnyde wortel
1 gekapte selderytakkie
1 klein raad (gesny)
2 koppies vleisekstrak of water
Metode:
• Sny stert by litte deur.
• Gooi meel in ’n papier- of plastiese sak en skud die vleis daarin totdat dit goed met meel bedek is.
• Verwarm die vet of olie en braai vleis bruin. Voeg groente by en braai nog ’n paar minute.
• Voeg oorblewende meel, sout en peper by en roer die vloeistof by. Kook stadig vir 2-3 ure totdat die vleis sag is.
• Bedien met gebakte aartappels en ’n groen groente.

Hoender
Hoenderlewer Risotto
Bestanddele:
500g hoenderlewer
2 gekapte uie
vars knoffel (na smaak)
1 pakkie gesnyde sampioene
gekapte groenrissies en chilli (na smaak)
sout en vars gemaalde swartpeper
Metode:
• Braai al die bestanddele in olyfolie en knoffelbotter.
• Voeg 4 koppies Italiaanse rys by en braai saam.
• Voeg 2 blokkies hoenderekstrak (los op in 8 koppies water), asook 1 pakkie wit sampioenroomsop by.
• Kook alles saam, met deksel op pot, tot gaar. Moenie te veel roer nie.
• Bedien met Italiaanse brood, Tobasco en rooi wyn.
Vark vleis
Eisbein — Varkkneukel
Bestanddele:
15ml olyfolie
2 medium preie in skywe gesny
2 gerookte kneukels (±850g elk)
375ml appelkoossap
125ml vleisaftreksel
60ml mediumsoet sjerrie
sout en varsgemaalde peper na smaak
125g droë appelkose
125g sultanas
Metode:
• Sit gietysterpot (nr. 2) oor matige kole.
• Verhit olie en soteer preie tot sag.
• Voeg kneukels by en braai bruin.
• Voeg sap, aftreksel, sjerrie en geurmiddels by. Sit deksel op en prut 1½ tot 2 ure.
• Genoeg vir ses mense

Duiwelsrib
Bestanddele:
Varkribbetjies
1 eetlepel marmite
5 eetlepels suiker
1 eetlepel mielieblom
2 eetlepels asyn
3 eetlepels fyn gekapte gemmerkonfyt
of 2 teelepels gemaalde gemmer
1 huisie gekapte knoffel
Metode:
• Kook ribbetjies stadig in 'n bietjie water totdat die bene uitgetrek kan word.
• Laat die vleis afkoel sodat jy dit kan hanteer en sny dan in vierkante.
• Meng res van die bestanddele en doop vleisvierkante daarin.
• Rangskik in oondpan en braai bokante bruin onder rooster.
• Sodra die bokante mooi bruin is, draai om en bestryk met nog sous en braai weer bruin.
• Dit kan warm of koud bedien word.
• Die oorblywende sous word ook bedien, sodat die stukkies vleis aan 'n stokkie opgelig kan word en weer in die sous gedruk kan word indien verlang.

Skaapvleis
Lamskotelette
Bestanddele:
12 lamskotelette
75g vars gekapte kruisement
1 teelepel roosmaryn
125g bruin suiker
1 liter asyn
geurmiddels na smaak
Metode:
• Sny meeste vet van die lamskotelette af.
• Meng res van die bestanddele.
• Marineer lamskotelette vir 3 ure in hierdie mengsel.
• Geur lamskotelette en braai op kole of in skottelbraaier.
• Kook en verminder marinade met die helfte. Gooi deur sif en bedien apart.

Ander
Bruin sous
Bestanddele:
50g vet
2 gesnyde uie
2 klein wortels (gesny)
3 eetlepels meelblom
2 koppies vleisekstrak
½ teelepel blatjang
skeutjie Worcestersous
¼ lourierblaar
pietersielietakkie
knippie suiker
sout en peper na smaak
knoffelsout (opsioneel)
Metode:
• Braai die groente en vet in ’n souspan totdat dit begin bruin word.
• Voeg meelblom by en kook tot ligbruin.
• Voeg die ekstrak en ander bestanddele by en roer of klits deeglik totdat die sous glad is en begin kook. Stel hitte laer en kook vir 5 minute. Roer dit af en toe.
• Gooi deur ’n sif voor bediening.

Snaakse Geregte

(Boontoe)

Mopaniewurms
Mopaniewurms word as ‘n koningsdis beskou. Die wurms word gedroog en dan so verkoop. Hulle het die naam gekry omdat hulle Mopani bome se blare eet. Mopani bome kom meeste voor in die Noordelike Provinsie. Die wurm is die larwe stadium van die mot (Gonimbrasia belina) Die mot het ‘n vlerkspan van 13.5cm en kan nogal groot konsternasie veroorsaak as hy verby jou vlieg. Motte lê omtrent 150 eiers op die bome in lente ne na net ‘n paar weke kom hierdie wurms uit en begin eet aan die boom se blare. As hulle volgroeid is is hulle so dik soos jou vinger en omtrent sewe centimeters lank.

Die boorlinge gaan haal dan die wurms af haal hulle binnegoed uit en braai dit of druk hulle plat en los hulle om te droog. As hulle uitgedroog is kan hulle maande lank hou.
Bestanddele:
Gedroogde mopaniewurms
Tamaties (gesny)
Uie (gekap)
botter
Rooirissiesous (na smaak)
sout, peper en knoffelsout na smaak
Metode:
• Week mopaniewurms in water tot sag.
• Braai uie in botter.
• Voeg res van bestanddele by en prut oor lae hitte tot sag.
• Bedien met putu pap en 'n glasie yskoue mampoer.

Souse en Marinades

(Boontoe)

Komkommersous
Bestanddele:
1 komkommer, gerasper met skil en al
½ koppie suurroom
½ koppie ongegeurde joghurt
4 eetlepels vars suurlemoensap
Metode:
• Verwyder oortollige water uit gerasperde komkommer deur in ’n teedoek saam te pers.
• Voeg res van bestanddele by gerasperde komkommer en meng goed.
• Sit vir uur in yskas sodat verskillende smake goed meng.

Roomsous
Bestanddele:
3 eiers
250ml room
125ml suiker
100ml asyn
5ml sout
5ml mosterdpoeier
3ml rooi peper
knippie peper
Metode:
• Klits al die bestanddele saam.
• Verhit in 'n pot oor water en roer totdat mengsel verdik.
• Gooi dadelik in 'n koue houer en bedien

Knoffelsous
Bestanddele:
1 koppie knoffelhuisies
1 koppie olyfolie
½ koppie suurlemoensap
Metode:
• Versap alles saam.
• Bêre in yskas in 'n bottel met prop of deksel wat dig sluit
Portwyn-jellie
Bestanddele:
250g vars of bevrore frambose
125ml suiker
250ml portwyn
30ml gelatien gemeng met 30ml water
Metode:
• Sit frambose, suiker en port in ’n souspan. Druk frambose effens fyn.
• Verhit mengsel oor lae hitte totdat louwarm. Voeg gelatien by en klop oor lae hitte totdat gelatien oplos.
• Gooi in 6 klein glasbakkies. Sit in yskas om te stol.
• Sprinkel versiersuiker liggies oor en bedien met soet beskuitjies.

Biermarinade
Geskik vir die spit of rooster.
175 ml bier
100 ml olie
1 ui, in ringe gesny
1 takkie pietersielie
1 lourierblaar
6 peperkorrels
1 gekneusde knoffelhuisie
30 ml suurlemoensap
30 ml suurlemoenskil, gerasper
Meng alles saam.

Perske bedruipmengsel
125 ml perske pureé
5 ml suurlemoensap
30 ml heuning
5 ml gekapte gemmerwortel
Meng alles saam en bedruip vleis terwyl jy braai.

Wynmarinade
Geskik vir die spit of rooster.
200 ml rooiwyn
100 ml olie
1 ui, in ringe gesny
1 takkie pietersielie
1 lourierblaar
6 peperkorrels
1 gekneusde knoffelhuisie
Meng alles saam.