Agie se
verbruikers wenke:
Agie se Wenke
Alles oor Eiers
• Maak seker die eiers is op ‘n
koel plek as jy dit aankoop – dit voorkom
dat organismes groei
• Moenie gekraakte of vuil eiers koop
nie
• Die kleur van die eier het nie noodwendig
‘n negatiewe uitwerking nie.
• Kyk wanneer is hulle verval datum –
Januarie word byvoorbeeld aangedui as 0001 en
Desember as 365
• Eiers wat bo dryf in ‘n pot is
nie altyd so vars nie
• As jy die eier oopbreek om dit gaar
te maak gooi dit altyd eers in ‘n piering
anders kan jy dalk die ander eiers in die pan
bederf as hy sleg is
• As jy hulle oopbreek en die eierwit
en eiergeel loop dadelik dan is die eiers nie
baie vars nie.
• Eiers by langer vars as hulle by ‘n
temperatuur van 5°C en by ‘n vog gehalte
van 70% tot 80% bewaar word.• Dop gekookte
eiers dadelik af om te keer dat 'n swart ring
om die eiergeel vorm.
• Bêre eiergeel in 'n koppie in
die yskas en bedek met koue water om te keer
dat 'n skil vorm. Gebruik binne vier dae.
• Eiers geklits met 'n knippie sout kan
vir drie maande gevries word.
• Om te toets of 'n eier vars is, sit
dit in 'n maatbeker met 600ml water. As die
eier baie vars is, sal dit op die sykant op
die bodem lê.
• Moet nooit 'n eier in die dop in 'n
mikrogolf kook nie, want dit sal ontplof.
Alles oor Piesangs
• Moet nooit te veel piesangs koop as
jy weet jy gaan dit nie kan opeet nie of as
jou familie nie te veel daarvan hou nie.
• As jy piesangs koop kyk vir mooi egalige
geel piesangs wat geen swart vlekke op het nie.
• Groen piesangs wat jy gouer wil ryp
hê kan jy in ‘n papiersak plaas
met ‘n appel in – dit sal dit baie
vinnig laat ryp word.
• As die piesangs bruin word voor jy dit
ge-eet het kan jy hulle gebruik deur of piesang
muffins of piesangbrood te maak.
Alles oor Wyn:
• Maak vonkelwyn oop net voordat jy dit
bedien om te voorkom dat dit verslaan.
• As jy dit per ongeluk te laat gedoen
het – laat sak ‘n metal teelepel
met sy steel daarin – dit sal die gas
inhou vir solank as 2 dae.
• As jy wit wyn bedien – maak ten
minste ‘n uur voor bediening oop plaas
die kurk liggies terug en verkoel in die yskas.
• Maak ‘n bottel rooiwyn so uur
of twee voor bediening oop sodat dit eers kan
asemhaal.
• Ruik aan die kurk – dit moet soos
die wyn ryk anders het dit ‘n slegte smaak
en is dalk bederf.
• Vee die bek van enige bottel eers mooi
af voordat daar geskink word.
• Steek ‘n skerppunt mes in die
kurk as hy per ongeluk afgebreek het –
as die kurk in die bottel val gooi die wyn eers
deur ‘n siffie sodat al die stukkies kurk
kan afgaan.
Gemmerkoekies:
Gooi ‘n kwart teelepel peper by jou gemmerkoekies
om dit daardie effense brandsmaak te gee.
Braai brood:
As jy vleisbraai en die brood is klaar –
bak vinnig ‘n broodjie deur 500g bruismeel
met een blikkie bier en voeg ‘n teelepel
sout by. Meng alles saam en bak in ysterpot
oor die kole of in die oond.
Pere vinnig ryp te maak:
Om jou pere gouer ryp te maak – plaas
hulle in ‘n plastieksak met ‘n appel
in. Maak ‘n gaatjie in die bokant en laat
staan op ‘n warm plek
Vars koekies:
Koekies bly langer vars as jy ‘n laag
suiker onder in die bak strooi
Aartappels
Voeg suurlemoensap by die water as jy ´n
aartappel met skil en al kook. Die aartappel
sal wit wees en jou potte sonder vlekke.
´n Knippie bakpoeier by kapokaartappels
maak dit sag en lig.
Om te verhoed dat aartappels uitloop plaas jy
´n vars groen appel by dit.
Laat aartappels ´n half-uur lank in melk
lê om mooi bruin te bak.
Gooi 'n eetlepel melk in 'n kastrol waarin jy
aartappels kook. Dit voorkom dat dit kleur verloor.
Afdroogdoeke
Hou afdroogdoeke sag deur hulle onder koue water
uit te spoel met ´n knippie Engelse sout
by.
Appels
Appels word makliker geskil indien dit vooraf
´n paar minute lank in kookwater lê.
Gebakte appels sal nie plooi indien jy ´n
paar klein snytjies in die skil maak voor hulle
oond toe gaan nie.
Druiwe
Om druiwe te skil - doop dit vir 2 minute in
kookwater en dan in koue water.
Eiers
Sny hardgekookte eiers deur met mes wat in water
gedoop is en die eiergele sal nie breek nie.
en ´n Lepel asyn in die water wanneer
jy ´n eier posjeer keer dat die wit versprei.
en Voeg bietjie asyn by die water as jy eiers
bak. Dit keer dat die eiers bars.
en Om eiers langer te laat hou meng jy 400 g
ongebluste kalk met 6 l water en plaas die eiers
daarin.
Brood
Plaas ´n pakkie sout in die broodblik
om jou brood vars te hou.
en
Doop ou brood in water en bak dit dan weer in
die oond. Dit sal vars smaak.
Bruinsuiker
´n Stuk brood in die houer oornag maak
bruinsuiker wat hard geword het weer sag.
Deeg
Plaas ´n stukkie plastiek oor deeg wat
moet rys. Dit voorkom dat ´nm harde lagie
vorm.
Koffie
Bêre koffie in die yskas om dit vars te
hou.
Koffiebekers
Week jou koffiebekers oornag in ´n bleikmiddel
om van vlekke ontslae te raak.
Kookoliebottel
Sny die onderste deel van ´n wynbottelhouer
af en bêre jou kookoliebottel daarin.
Die kartonhouer suig olie wat drup op.
Kaneel
´n Knippie kaneel verleen ´n pikante
smaak aan kakoa.
Kapokaartappels
´n Knippie bakpoeier op kapokaartappels
maak dit lig en sag.
Koek
Voeg bakpoeier heel laaste by koekbeslag -die
koek sal dan baie lig uitrys.
5 ml Gliserien gee enige koekmengsel ´n
ligter tekstuur.
Koekiepan
Voer jou koekiepanne uit met swaardiensaluminiumfoelie
voor jy koekies bak. Dit voorkom dat die koekies
merke laat.
Koekies
Koekies bly langer vars indien jy ´n laag
suiker op die houer se bodem strooi.
Miet
Sit Lourierblare in meel om miet uit te hou.
Vyetakkies by droëvrugte hou miet uit.
Pampoen
Om ´n gesnyde pampoen vars te hou, verwyder
die pitte en bedek die binnekant met ´n
lagie koeksoda.
Pannekoek
Voeg ´n bietjie asyn of witwyn by pannekoekdeeg
om te verhoed dat dit taai word.
Verwyder die bruin aanpaksel met ´n droë
stukkie staalwol, terwyl die pan nog warm is.
Patats
Stowe patats kry ´n mooi kleur as ´n
mespunt koeksoda bygevoeg word terwyl dit kook.
Pere
Indien jy wil hê jou pere moet gouer ryp
raak, sit hulle in ´n papiersak saam met
´n appel. Maak ´n gaatjie aan die
bokant en laat staan op ´n warm plek.
Piesangs
Bêre groen piesangs in 'n bruin papiersak
in 'n donker, warm plek om dit ryp te maak.
Room
Om room styf geklits te kry voeg bietjie kremetart
by.
Voeg ´n bietjie opgeloste gelatien by
indien jy sukkel om room styf te klop.
Roomys
Sit ´n klein marshmellow onder in ´n
roomyskelkie. Dit sal verhoed dat die kelkie
lek.
Roos
Rose hou langer in ´n mengsel van 1 liter
koue water, 1 eetlepel asyn, een eetlepel Jik
en ysblokkies.
Slaai
Slaaikoppe bly langer vars in die yskas in papiersakke,
nie plastieksakke nie.
Maak verlepte slaaiblare weer bros deur dit
in ´n bak yskaswater te plaas; NIE yswater
nie.
Sout
Plaas ´n rou aartappel in jou sop/bredie
indien jy te veel sout ingegooi het. Die aartappel
absorbeer die ergste soutsmaak.
Wanneer gereg te sout is gooi bruinsuiker by.
Gooi ´n paar ryskorrels in die soutpotjie
om te verhoed dat die sout klonterig raak in
klam weer.
Om sout wat in potjies vassit los te kry, plaas
potjie eers ´n paar minute in lou oond.
Suiker
Suiker en botter sal gouer meng as ´n
bietjie suurlemoensap bygevoeg word.
Suurlemoen
Laat lê ´n suurlemoen in warm water
voor jy dit uitdruk. Jy sal meer sap kry.
Suurroom
Om vinnig suurroom te maak - neem vars room
en voeg ´n bietjie karringmelk by of suurlemoensap
by. Dit proe die beste indien dit oornag gestaan
het.
Uie
Om te voorkom dat uie wat bewaar word uitloop,
kan die worteltjies in kookwater gebrand word
voordat dit opgehang word.
Visreuk
Verwyder visreuk van eetgerei deur dit in asynwater
af te spoel.
Vla
Gooi ´n stukkie botter in vla - dit voorkom
dat dit ´n velletjie maak.
Vleis
´n Bietjie asyn in die olie verhoud dat
vleis wat in krummels gerol is gou vasbrand
in die pan.
Gooi suurlemoensap by vleis om dit sag te maak.
Vleispasteie
Draai vleispasteitjies in botterpapier toe voor
jy dit bak. Dit hou die korsies sag.
Vries
want anders vries die middelgedeelte nie goed
nie. Hou dit so plat moontlik en gebruik asb.
VRIESSAKKIES, nie gewone plastiek nie . Noedels
kan goed gevries word en dan in kookwater ontvries
word - Dit is ´n vinnige proses.
Vrugtevlekke
Vrugtevlekke moet net met kookwater afgespoel
word en dan moet die materiaal in die son drooggemaak
word.
Wors
Doop wors in kookwater voordat jy dit bak, dan
sal dit nie oopbars nie.
Wynsteensuur
Bier
Biervlekke kan uit ´n mat verwyder word
deur dit met witasyn te vryf.
Bleikmiddel
Maak jou eie bleikmiddel met koeksoda en asyn.
Groen merke
Indien die wit rugbybroekies groen merke op
kry van die gras wanneer daar gespeel word.
Spuit "windolene" daarop en vryf die
broekie. Was dan soos gewoonlik en die groen
merke sal weg wees.
Jeans
Week jeans in soutwater voor jy dit was om te
verhoed dat dit verbleik.
Klere
Sprinkel terpentyn op stukkies papier en sit
dit in jou kas om motte uit jou klere te hou
en sit stukkies kamfer in jou kas om motte uit
jou klere te hou.
Sit lappies geweek in parafien in jou kas om
motte uit jou klere te hou.
Spaar krag met jou stoof
:
• As jy vir jou ‘n nuwe stoof koop,
kies een met ‘n konveksie oond –
die gaarmaaktyd is gouer
• Moenie roosterbrood in ‘n oond
rooster maak nie – dit vat te lank
• Verminder die plaat se hitte sodra jou
kos vinnig begin kook
• Gebruik ‘n drukkoker vir kos wat
lank kook of ‘n elektriese pot.
• Kyk dat jy die regte grootte pot op
die regte grootte plaat sit – dit bespaar
elektrisiteit.
• Hou die oonddeur toe en moenie onnodig
die deur oopmaak nie – die hitte ontsnap
en vat weer ‘n rukkie om dit op te tel.
• Berei eerder jou maaltye heeltemal in
die oond.
• Probeer “One pot Cooking”
soos byvoorbeeld pasta en maalvleis met die
sous – sodat jy nie drie plate nodig het
nie maar net een
• Sorg dat jou potte se deksels pas en
plaas hulle op die potte om sodoende die hitte
in die pot te hou.
• Sorg dat die lug in die oond vry sirkuleer
rondom die skottels in die oond.
Spaar krag so met Elektriese toestelle:
• Maak ys en vrieskasdeure so min as moontlik
oop en vir so kort as moontlik.
• Moenie warm kos in die yskas of vrieskas
insit nie. Laat dit eers afkoel voor jy dit
bere
• Maak seker die deure seël goed
• Gebruik jou mikrogolf soveel as moontlik
in plaas van die stoof
Verwarmer
• Sit so na aan die verwarmer as moontlik
dat dit nie nodig is om altwee elemente aan
te sit nie
• Skakel die verwarmer af as jy die kamer
vir ‘n lang ruk verlaat.
• Gordyne hou hitte binne so trek die
gordyne toe as dit koud is al vroeg in die aand
• Moenie ‘n ketel vol water maak
as jy net twee koppies wil maak nie
• Wasmajiene en skottelgoedwassers moet
net aangesit word as hulle vol is
• Moenie ligte onnodig brand nie.
• Dit is goedkoper om ‘n elektriese
kombers te gebruik as ‘n verwarmer wat
die hele kamer warm maak.
Leersitkamerstelle
Gebruik een deel asyn met twee dele gekookte
lyn-olie. Die mengsel moet goed geskud word.
Smeer dan aan soos meubel politoer en poleer
na die tyd. Was leerstoele met bietjie melk
– jy sal verbaas wees om te sien hoe pragtig
en nut dit weer lyk.
Meubel politoer:
Meng asyn en suurlemoen olie om die helfte aan
en gooi in ‘n spuitbottel vir jou meubels.
Of gebruik byewas met terpentyn om jou meubels
mee blink te vryf
Koper:
Vryf koper blink met ‘n suurlemoen wat
in sout gedoop is.
Leerbanke
Was leerbanke met seep en water, vryf droog
en smeer vaselien in. Laat staan 24 uur en vryf
blink. Dit laat die leer langer hou.
Lipstiffie
Verwyder lipstiffiemerke van jou klere met bloekomolie
Mooi varings
‘n Teelepel brandspiritus opgelos in ‘n
koppie water laat jou varings baie mooi groei
Roes op plante
Meng water en tabakstof tot dit soos flou tee
lyk. Was die plante hiermee. Gooi ook die water
op die wortels.
Varings
1 teelepel brandspiritus opgelos in ´n
koppie water laat jou varings goed groei.
Algemene veiligheid:
• Wanneer jy ‘n
hysbak gebruik kyk altyd eers wie is binne en
of hulle dalk verdag lyk, staan naby die knoppies
sodat jy alarm kan maak as jy ‘n probleem
kry.
• As jy in die bak was en jy moes heelwat
geld trek – bêre dit op so manier
dat die mense wat in die toue staan jou nie
sien nie.
• Vra hulp as jy in gevaar verkeer en
wag dat hulp opdaag
• Wees altyd op die uitkyk vir gevaar
– daar is misdadigers om elke hoek en
draai.
• Hou ‘n lysie met noodnommers altyd
naby die foon sodat jy dit kan gebruik in ‘n
noodgeval
Veilig in jou motor:
• Maak seker dat jou motor meganies in
goeie orde is en dat die kanse om te gaan staan
nie so goed is nie
• Moenie pakkies of jou handsak op enige
sitplek laat lê nie – sluit dit
in die kattebak toe.
• Hou jou deure ten all tye gesluit en
die vensters toe wanneer jy ry.
• Parkeer jou motor altyd in ‘n
verligte area as jy nie ‘n motorhuis het
nie
• Moet nooit rylopers oplaai nie
• Wees op jou hoede vir vreemdelinge wat
jou motor by verkeersligte nader
• As jy agtervolg word – ry tot
by jou naaste polisiestasie
• Indien jy deur enige persoon bedreig
word druk jou hoeter aanhoudend
Veilig in publike vervoer:
• Vermy dit om op verlate terminale te
wag – wag eerder in ‘n goed verligte
plek tot jou bus of trein opdaag
• Staan naby ander mense wat ook wag vir
dieselfde vervoer
• Hou jou handsak of ander waardevolle
artikels styf vas en op jou skoot
• As die bus leeg is sit so naby as moontlik
aan die bestuurder
• As iemand jou lastig val roep onmiddelik
om hulp
• Wanneer jy jou bestemming bereik let
op wie saam met jou afklim en loop gou huistoe
Veilig in die Supermark:
• Moet nooit jou handsak of ander items
in die trollie los nie al is dit onder ander
goed.
• Moet nooit jou handsak of beursie op
die toonbank plaas en wegbeweeg nie –
nie eers rondkyk nie –dit neem misdadigers
net 1 sekond om jou beursie te neem
• Moet nooit jou beursie op ‘n sigbare
plek dra soos in jou agtersak of kantsak nie
• Hou jou handsak stewig vas teen jou
lyf
Veilig in die straat:
• Indien moontlik moenie alleen loop nie
• Moet nooit in ‘n verlate plek
of donker gebied loop nie
• Sorg dat jy nooit nodig het om laat
in die aand rond te loop of huis toe te loop
nie
• Hou jou handsak naby jou liggaam
• Wanneer jy uitgaan los jou kosbare besittings
by die huis
• Hou jou kleingeld en jou krediet kaarte
op twee verskillende plekke
• Moenie mislei word deur vreemdeling
wat jy die geleentheid gee om ekstra geld te
wen nie
• As jy op straat beroof word –
gee jou samewerking en bly kalm. Deur terug
te veg kan jy dalk beseer word. Wees oplettend
sodat jy vir die polisie soveel as moontlik
inligting kan gee
Haarsorg
Meng bergamond-essens met shampoo. Was hare
soos gewoonlik. Onthou om bottel goed te skud
voor gebruik.
Jellie vinniger te stol
Gooi ‘n klein bietjie koeksoda of suurlemoensap
by om jellie vinniger te laat stol.
Vensters blink en skoon
te maak
Meng een deel parafien een deel brandspiritus
en een deel water. Spuit op die vensters was
en laat dit self droog word. As dit egter waterstrepe
maak poleer met ou koerantpapier.
Droë skaniere
Spuit insekdoder aan krakerige skaniere as jy
nie olie het nie.
Geskenkpapier:
In ‘n noodgeval kan jy foelie gebruik
om ‘n geskenk in toe te draai en net ‘n
mooi lintjie of iets omsit.
Sokkies en kouse
Hou sokkies in pare deur hulle met hakspelde
aan mekaar vas te maak en dan in die wasmasjien
te gooi. Dit bespaar baie tyd en veral as die
gesin groot is
Verf reuk in ‘n vertrek:
Gooi ‘n botteltjie vanilla geursel in
‘n bakkie of in ‘n piering en plaas
in
vertrek waar die verf reuk is. Dit sal sommer
gou die reuk verwyder.
Roes:
Laat lê jou geroeste items in Coke vir
‘n paar minute en was dan af.
Klein geroeste items kan ‘n paar dae in
asyn gelê word om die roes af te haal
Gebruik gelyke dele kremetart en sout om roesvlekke
of kolle uit te haal.
Plaas ‘n stukkie bordkryt in jou gereedskapskis
om die ergste vog op te neem.
Balpunt pen Ink:
Gebruik brandspiritus, alkohol of haarspoei
om die kol te verwyder
Melk kartonne:
Gebruik leë melkkartonne om vuur te maak
– die lagie waarmee hulle buite behandel
is maak dat hulle lank brand.
Bottels se plakkers af te haal:
Gebruik grondboontjiebotter om plakkers van
bottels af te haal. Die gom gaan gou af met
die grondboontjiebotter.
Aanpaksels
Vul met helfte wit asyn en helfte water. Kook
en laat oornag staan. Spoel die volgende dag
uit met skoon water.
Vul met helfte wit asyn en helfte water. Stoom
die strykyster tot die tenk skoon is. Hervul
met skoon water en stoom weer die tenk leeg.
Vir die aanpaksel in jou ketel, gooi een pakkie
of 3 eetlepels wynsteensuur by, kook en spoel
ketel uit. Dis onmiddelik skoon.
Angeliere
Angeliere hou langer in ´n blompot as
jy sout in die water gooi.
Appelkooskonfyttertjies
Iemand het ´n wenk of voorstel sodat appelkooskonfyt
nie sal uitloop by appelkooskonfyttertjies nie?
Probeer :- 1 eierwit en 1 teelepel suiker -
klits goed en smeer aan rand.
Balpuntpen
Ink kan van klere verwyder word met brandspiritus,
alkohol of haarsproei.
Besem
Plaas ´n paar stukkies wol op die hoeke
van jou besem en voorkom so dat jou meubels
en vloerlyste beskadig word.
Beskuitblik
´n Eetlepel suiker hou die inhoud van
´n beskuitblik vars.
Blikpanne
Skrop muwwerige panne wat roes skoon met asyn
en laat droog word in die son.
Blomkool
Sit 'n stukkie suurlemoenskil in die water as
jy blomkool kook. Dit hou die blomkool mooi
wit.
Blomme vars hou
Maak ´n gaatjie in ´n rou aartappel
en plaas jou stiggie/blom daarin om dit vars
te hou as jy dit vervoer.
Sit ´n bietjie koeksoda in die water by
die blomme.
Brakwater
Boraks kan gebruik word om brakwater sag te
maak.
Bril
´n Druppel gliserien help om jou brilglase
skoon te hou. Dit help ook teen wasigheid.
Foto
Beskerm foto's in rame sonder glas deur eers
die foto met kleefplastiek oor te trek.
Gloeilamp
Smeer kasterolie aan gloeilamp en vryf blink
met ´n sagte lap. Dit verhoed dat vlieë
hul merke maak.
Koper
Vryf koper blink met stukke suurlemoen gedoop
in sout.
Glase
Wanneer glase inmekaar vassit - plaas onderste
een in ´n bakkie met warm water en gooi
koue water in boonste een.
Goue juwele
Maak goue juwele skoon sodat hulle lyk soos
nuut! Meng Savlon met water in verhouding 2:1.
Laat juwele in oplossing lê vir 10 tot
20 minute. Borsel liggies met ou tandeborsel
OF spoel eenvoudig af met vars water en droog
af met 'n sagte lap!
Hout
Vernisde hout kan met koue tee skoongemaak word.
Ink
Inkvlekke kan uitgehaal word met witdulsies.
Kerse
Plaas jou kerse ´n paar uur in die yskas
sodat dit langer en meer eweredig kan brand.
Kaggel
Gooi klam teeblare op die as voor jy die kaggel
skoonmaak. Dit keer daardie wolk van stof.
Maaskaas
Maaskaas hou langer as jy dit onderstebo bêre.
Marmervlekke
Om vlekke uit marmer te haal strooi jy fyn boraks
op. Was na ´n paar minute dit af met warm
water.
Matte
Stop ´n skoon vloerlap in ´n plastiek
groentesakkie en was jou matte daarmee.
Verwyder kolle op ´n mat met 1 deel witasyn
en 3 dele water.
Messe
Messe van vlekvrye staal bly langer skerp.
Meubelpolitoer
Maak jou eie meubelpolitoer deur suurlemoenolie
en wit asyn om die helfte te meng. Wend aan
met ´n spuitbottel.
gebruik byewas gemeng met terpentyn
om jou meubels mee blink te vryf.
Naellak
Om naellak gou te laat verhard kan jy dit in
yswater dompel.
Naellak word ook gouer droog indien jy goeie
ou Spray ´n Cook daaroor spuit.
Oond
As jou oond nie te vuil is nie, plaas ´n
bakkie met huishoudelike ammoniak in die warm
oond. Laat afkoel en maak maklik skoon met wasmiddel.
Plante
Koffiemoer is goed vir plante.
Pot
Strooi koeksoda op die aangebrande deel in ´n
pot. Maak klam met ´n bietjie water.
Radyse
Skud radyse in 'n fles vol water om hulle deeglik
te was.
Rekkies
Rekkies hou langer as hulle gevries word.
Reuke
Plaas ´n piering met vanielje in die
kombuis om van die reuk van gebraaide voedsel
ontslae te raak.
Vryf jou hande met droë mosterd om van
uie-reuk ontslae te raak.
Ritsluiter
Ritsluiters wat vashaak kan met kerswas gevryf
word.
Roes
Geroeste artikels kan in Coke laat lê
word vir ´n paar minute om die roes te
verwyder.
Klein geroeste artikels kan ´n paar dae
in asyn gelê word om die roes te verwyder.
Gebruik ´n mengsel van peroksied en Engelse
sout vir roes aan ´n emaljebad.
Gebruik gelyke hoeveelhede sout en kremetart
om roes te verwyder.
´n Paar stukkies bordkryt in jou gereedskapkas
absobeer vog en help roes teëwerk.
´n Mengsel van lemoensap en sout sal roes
uit linne haal.
Wynsteensuur aangemaak met water sal roes uit
linne haal.
Rotangstoele
Maak rotangstoele skoon met ´n mengsel
van seep, warm water en spiritus.
Rubberhandskoen
Trek ´n Rubberhandskoen aan om ´n
skroefdop makliker oop te draai.
Seer spiere
Gooi ´n halwe koppie appelasyn in badwater.
Skanier
Spuit insek-doder op skaniere wat raas.
Smeer seep aan skaniere wat kraak.
Skoen
Indien jou skoen druk week jy ´n spons
in warm water en hou dit vir ´n paar minute
op die plek. Trek dan die skoen uit en vryf
dit aan die binnekant op die plek met ´n
ou tandeborsel of iets anders met ´n stomp
punt.
Skoenpolitoer
´n Paar druppels asyn by skoenpolitoer
wat hard geword het maak dit weer sag.
Skroef
´n Geroeste skroef kan uitgedraai wors
deur ´n stuk yster rooiwarm te maak en
dit op die kop van die skroef te hou net voor
jy dit probeer uitdraai.
Spieëls
Maak ´n ou kous klam met 25ml asyn en
20ml lou water en vryf spieëls blink daarmee.
Vensters
Gebruik ou T-hemde om ruite mee skoon te maak.
Die materiaal vorm nie wolletjies nie.
Voeg twee eetlepels asyn by die water vir silwerskoon
vensters.
Verf
Vanielje geursel in ´n piering verwyder
die sterk verfreuk in ´n pasgeverfde vertrek.
Verfkwas
´n Verfkwas met harde hare kan ½
uur lank geprut word in kokende asyn en agterna
gewas word met skottelgoedwasmiddel.
Verfpan
Voer jou verfpan vooraf uit met kleefplastiek.
As jy die plastiek uithaal is jou bak skoon.
Vet wat spat
Gooi bietjie sout in die braaipan om te keer
dat die vetspat.
Vetkolle
Gooi babapoeier op vetkolle in kledingstukke
voor jy dit was.
Viltpenmerk
Gebruik naellakverwyderaar om viltpenmerke van
jou vel te verwyder
Vlekke
Week die vlek in in eetlepel sout en een koppie
water.
Nat sout verwyder die vlekke van koppies en
pierings.
Vlugsout haal vetvlekke uit.
Vryf olie- en vetvlekke op klere met bensien.
Was dan soos gewoonlik en hang op om droog te
word. Sit tussen twee stukke kladpapier en stryk.
Warm seepwater is die beste raad vir vlekke
op tafellinne.
Verwyder vetkolle op leer met die wit van 'n
eier.
Strooi dadelik sout oor ink wat op wit materiaal
gemors is vryf met 'n suurlemoen daaroor. Spoel
die materiaal dan dadelik af en was soos gewoonlik.
Waar ink op 'n tapyt gemors het trek jy dit
dadelik op met kladpapier, vryf die kol met
'n lap wat in gekookte melk gedoop is en vryf
daarna met 'n droë lap.
Sodra jy omring word deur dansende mense is
dit maklik om rooiwyn op jou klere te kry....
Gooi dadelik sout op die vlek of gooi witwyn
oor die vlek.
Vlekke in braaipan
´n Elektriese braaipan kan met foelie
uitgevoer word om dit vlekloos te hou
Los hare wat gesny is
Gebruik ‘n swart sak en sny ‘n gat
in net groot genoeg vir die persoon se kop om
deur te gaan. Soedoende sal die hare nie aan
al die klere vassit nie.
Kaggel
Gooi klam teeblare op die as voor jy die kaggel
skoonmaak. Dit keer daardie wolk van stof.
Spykers
Spykers wat jy in 'n muur wil inslaan moet liefs
van gegote yster wees. Maak die spykers rooiwarm
en gooi hulle dan in lynolie. Dit maak die spykers
roesbestand en voorkom dat die pleister uitruk
as jy die spyker wil uittrek.
Strykyster
Stryk oor sout om die vlekke van ´n strykyster
te verwyder.
Stoof
Maak jou stoof skoon met 'n mengsel van sout
en asyn.
Swelling
Rol 'n gholfbal onder jou voete op lang vlugte
om swelling te voorkom.
Tafeldoek
´n Bietjie gliserien in die water verhoed
dat ´n plastiektafeldoek verhard wanneer
jy dit was.
Teevlekke
Maak ´n mengsel van gliserien en die geel
van ´n eier. Wend aan en laat droog word.
Was in koue water.
Tong
Die vel van tong sal maklik aftrek indien daar
asyn by die water gegooi word as die gekook
word.
Tuinslang
Rol jou tuinslang in die vorm van ´n 8.
Dit verhoed dat dit koek.
Vuil kraag
Maak ´n pasta van asyn en koeksoda en
vryf dit aan die kraag.
Vullisblik
Sit bietjie katsand onder in jou vullisblik
as dit ruik. Vervang wanneer klam.
Hou die vullisblik higiënies deur kalk
en amoniak op die bodem te gooi.
of
Spuit ´n mengsel van Jeyes Fluid en water
op jou vullisdrom om te sorg dat diere dit uitlos.
Vuuraanstekers
"Ek het so n rukkie terug 'n histerektomie
gehad en het nou 'n vooraad ongebruikte doekies,
wat ek natuurlik nooit weer sal gebruik nie.
Ek het geen koerantpapier of blitz gehad nie
en toe dink ek aan die doekies. 4 is genoeg
om dieselfde doel as blitz te dien. Werk soos
'n bom."
Was
Raak ontslae van kerswas op klere deur 'n bruin
papiersak daarop te sit en dit met 'n warm strykyster
te stryk.
Watervlek
Gebruik ´n mengsel van peroksied en Engelse
sout vir watervlekke in ´n emaljebad.
Wit
Hou jou wit klere wit deur dit in 5 liter water
en 1 koppie asyn te week.
Om wit handsakke of skoene skoon te maak vryf
jy hulle met ´n lap gedoop in Dettol.
Wol
1 teelepel olyfolie by wit wolgoed laat dit
mooi spierwit bly.
Brandsmaak met vleis
Gooi vars melk oor gebrande vleis om die brandsmaak
te verminder.
Vleis Versagter
Natuurlike jogurt is ’n natuurlike vleissagmaakmiddel.
Sit biefstuk of hoender in joghurt en los vir
8 ure in die yskas.
Diere
Was jou troeteldiere twee tot drie keer met
water waarin aartappels gekook is. Dit hou die
insekte weg van hulle.
